МÆРДТЫ АЙДÆН

Мæрдты бæстæйы дуармæ ис айдæн, цыппæрдигъон айдæн,— зæгъы нын таурæгъ. – Уымæн йæ цыппар фисыны бадынц цыппар лæджы. Алы мардæн дæр уыцы айдæны æнæбакæсгæ нæй. Уыцы ран сбæлвырд вæййынц йæ тæригъæдтæ се'ппæт дæр. Уый фæстæ йын ацы ран скæнынц тæрхон. Ардыгæй араст вæййынц мæрдты удтæ Дзæнæтмæ æмæ Зындонмæ. Цæуын сæ фæхъæуы нарæг хидыл. Рæстыты удтæ йыл бафардæг вæййынц хъæлдзæгæй, заргæйæ, фæлæ зынæвзарæнты вæййынц тæригъæдджынтæ хидыл цæугæйæ. Иу æвзæргæнæджы уд дæр дзы хидæн йæ кæронмæ нæ хæццæ кæны — Зындонмæ ныххауы.

кæс «АРВЫ ДУАР»-Ы СÆРГÆНДТÆ